11-aprel 2014
To'ylar muborak. Ziynat guruhi yakkaxoni Mahbuba Mirkamilova oilasida shodiyona. Gap shundaki Mahbubaning opasi bo'lmish Shirin turmushga chiqmoqda. Ushbu shodiyona munosabati bilan ikki yoshga hamda Mahbubaning oilasiga shodiyona muborak bo'lsin deya tilak bildirib qolamiz. Quyida esa Mahbubaning opasiga bag'sihlab taqdim etgan maxsus taronasini hukmingizga havola qilamiz.
10-yanvar 2014
O'tgan bir yarim yil mobaynida 25dan ziyod tarona yaratgan Ziynat guruhi qizlari kichik vaqt mobaynida ko'plab muxlislarga ega bo'lishdi. Aniyqsa Shahboz va Navro'z bilan kuylangan so'nggi duet taronalardan biri bo'lgan "WhatsApp" kompozitsiyasi ko'plab yoshlarni nafaqat raqsga, balki qo'shiqni beihtiyor kuylashga ham olib keldi. Shundan so'ng esa qizlar ijod pallasida ko'rinmay qolishdi.
Hozirda guruhda ko'plab o'zgarishlar sodir bo'ldi. Jumladan guruh a'zolari Sitora Kadirova va Maftuna Uzakovalar guruhni shahsiy, oilaviy va o'quv faoliyatidagi murakkabliklar sababli tark etishdi. Guruhda yakkaxon sifatida Mahbuba Mirkamilova faoliyatini davom ettirmoqda. Guruh badiiy rahbari bo'lmish Gulchehra Irgasheva so'zlariga ko'ra guruh o'z faoliyatini davom ettirmoqda va hozirda yangi taronalar ustida izlanish va ishlar olib borilmoqda. Bundan tashqari hozirda yangi tayyor bo'layotgan taronalardan biriga klip suratga olish ishlari ham boshlanish arafasida. Demak, kichik tanaffusdan so'ng Ziynat guruhidan yangi kompozitsiyani qarshi olishingiz mumkin bo'ladi.
16-aprel 2013
Bahor fasli tugashiga ham oz fursat qoldi. Albatta maktab bitiruvchilarini oldinda xayajonli damlar kutmoqda. Ana shunday damlarni yodga soluvchi taronani esa bizga xozirgi kunda tinim bilmay ijod qilayotgan "Ziynat" guruhi qizlari tuxfa etmoqdalar. Rustambek so'zi va musiqasi ila ijro etilgan "Maktab" taronasi hech bir insonni befarq qoldirmasa kerak. Dilmurod Agzamov tomonidan suratga olingan klipda esa maktab vaqti, ya'ni 1-sinfdan to bitirgunga qadar bo'lgan voqelar yodga tushadi. Guruh qizlari ham bu klipda maktab bitiruvchilari sifatida namoyon bo'lganlar. Qizlardan tashkil etilgan boshqa guruhlardan farqli ularoq, "Ziynat" guruhi nafaqat guruh ichida birgalikda kuylaydilar, balki xozirgi kunda yakkaxon kuylashlari bilan ham boshqa guruhlardan ajralib turibdilar. Bugungi kunga kelib studiyada qizlarning ikkitadan yangi taronalari ijod qilinmokda. O'ylaymizki Ziynat guruhi tomonidan ijro etilajak barcha yangi taronalarni yaqin kunlarda radio to'lqin hamda saytimiz orqali tinglab baho berish imkoniga ega bo'lasiz.
17-mart 2013
Estradamizda faoliyatini boshlaganiga uncha ko'p bo'lmagan bo'lsada, o'z muhlislariga ega bo'lib borayotgan Ziynat guruhi hozirda yangidan-yangi taronalar ustida ijod qilishmoqda. Mahbuba Mirkamilova so'zi Gulchexra Irgasheva musiqasi hamda Sherzod Yasinov tomonidan musikiy sayqal berilgan "Sen meni yagonam" taronasini yaqindagina taqdim etilgan edi. Kuni kecha ushbu tarona uchun klipmeyker Rauf Nabiyev rejjissyorligi va operator Javlon Majidov tomonidan klip ham suratga olindi. Tez orada Ziynat guruhining ushbu klipni saytimiz orqali birinchilardan bo'lib tomosha qilish imkoniga ega bo'lasiz. Balki ana shunda "Sen mening yagonam" taronasi asl ma'nosini anglab olsak ajab emas.
29-oktabr 2012
Yosh va iste'dodli o'smir qizlardan tashkil etilgan Ziynat triosi tinim bilmay ijod bilan bandlar. Shu kunlarda guruh ijodkorlari qator tarona va kliplar ketma-ketligini siz aziz muhlislar uchun taqdim etish arafasida turibdilar. Jasur Alimjanov so'zi, Robert Mirzoyan musiqa va oranjirovkasi ila ushbu ajoyib qizlar guruhi "Sevgi sururi" hamda Husan Sodiqov so'zi Jahongir.uz musiqasi ila "Bu ko'zlar" deb nomlangan taronalarini yakuniga yetkazdilar. Bundan tashqari Albina so'zi, Elmurod Mirdadayev musiqasi ila "Shahzoda" deb nomlangan tarona ham shular jumlasidandir. O'ylaymizki, Ziynat guruhi qizlari taqdim etayotgan har bir tarona sizga manzur bo'la oladi.
27-sentabr 2012
Ajoyib uch qizaloqlardan tashkil topgan Ziynat guruhi tashkil etilganiga ko'p bo'lmagan bo'lsada, qisqa vaqt ichida uch taronani ovoz yozish studiyasida yozib tugatishdi. Bundan tashqari kuni kecha "Beg'ubor" taronasi uchun klipmeyker Umid Normurodov tomonidan klip ham suratga olindi. Yangi yo'nalishdagi klipni tez kunlarda TV ekranlari orqali qarshi olishingiz mumkin bo'ladi.